اول شي يبدأ (الويك اند) بالكويت من يوم الخميس الظهر وينتهي يوم السبت بالليل
الخميس:-
الطلبة والطالبات بالمدارس ناطرين الساعة 1:30 من يوم الأحد وأول ما يسمعون الجرس على طول اكتبوا (ويك اند) بكل مكان واللي بالعسكرية والجامعة نفس الحالة بس بأوقات مختلفة وأول ما يخلص من الدوام على طول دخل البيت ونام بدون لا يتغدى وفي ناس عندهم زوارة ف ما يمديه ينام وأول ما تصير الساعة 4:00 أو 4:15 الكل يطلع اما (360) او (الفنيوز) وطبعاً الزحمة مو طبيعية واذا رحت (360) ما يبقى واحد بالكويت الا تشوفه هناك “تمشي وتسلم” ووقت العشا الكل رايح يا (بي +اف) او (كاكاو)وبعدين يرجع البيت ينااام
……………………………………………………………………………………………………………………………………………..
الجمعة:-
طبعاً وبدون تفكير الأغلب يقعد من النوم قبل صلاة الجمعة ب15 دقيقة وهم الأغلب يكون بالشاليه من امس او من الصبح فيصلي صلاة الجمعة وبعدها على البحر (جت عادي – سوبر جت - طراد – تان -..) وما يخلصون الا قبل المغرب وبعدين يرتاح وعلى الساعة 7:30 8:00 يا يروح (قهوة بنيدر) او (منتجع سيشل) وبعدها لعب كرة قدم بالشاليه وفي ناس عندهم زوارة يوم الجمعة فيقعدون بالديرة
………………………………………………………………………………………………………………………
السبت:-
يكون يوم طبيعي وغالباً تكون الطلعة مع الأهل والكل يكون متحبط لأن باكر يرجعون للدوام وحاطين (ساد فيس) مادري بموتون و يكون الأغلب يستعد للدوام أو المدرسة
